වසා දැමුණු වන උද්යාන සහ සංචාරක නිවාස කිහිපයක් හෙට සිට විවෘත කෙරේ
December 2, 2025 04:39 pm
අයහපත් කාලගුණික තත්ත්වය හමුවේ වසා දැමුණු වනජීවි ජාතික උද්යාන කිහිපයක් සහ සංචාරක නිවාස කිහිපයක් හෙට (03) සිට විවෘත කිරීමට පරිසර අමාත්යාංශය තීරණය කර තිබේ.
ඒ අනුව විල්පත්තු ජාතික උද්යානය (හුණුවිලගම පිවිසුම), යාල ජාතික උද්යානයේ පළවෙනි කොටස (පලටුපාන පිවිසුම), මින්නේරිය ජාතික උද්යානය හා කවුඩුල්ල ජාතික උද්යානය මෙලෙස විවෘත කිරීමට නියමිතය.
අමාත්යාංශය සඳහන් කර ඇත්තේ මෙම උද්යානවල ඇතැම් මාර්ග මේ වන විටත් ජලයෙන් යටවී ඇති බැවින් මාර්ග පද්ධතියෙන් වාහන ගමනාගමනය සඳහා සුදුසු කොටස් පමණක් සංචාරකයින් සඳහා විවෘත වන බවය.
මීට අමතරව සංචාරක නිවාස කිහිපයක්ද හෙට සිට විවෘත කිරීමටද පියවර ගෙන තිබේ.
ඒ අනුව කුමන ජාතික උද්යානය - තුම්මුල්ල හා කිරිගල්බේ සංචාරක නිවාස, හෝටර් තැන්න ජාතික උද්යානය - ගිනිහිරිය හා මහ එළිය සංචාරක නිවාස, විල්පත්තුව ජාතික උද්යානය - මරදන්මඩුව වන නිවහන, මින්නේරිය ජාතික උද්යානය - රඹවිල සංචාරක නිවාසය, යාල ජාතික උද්යානය - I කොටස හීන් වැව, ඔන්ඩච්චි පරණ බුතව, නව බුතව, මහා සීලව, යන සංචාරක නිවාස හෙට දින සිට විවෘත වනු ඇත.
