සහන සලසන මනුසත් දෙරණ ක්‍රියාන්විතය අඛණ්ඩව

අයහපත් කාලගුණික තත්ත්වය හේතුවෙන් පීඩාවටපත් ජනතාව වෙනුවෙන් ක්‍රියාත්මක මනුසත් දෙරණ - ඩයලොග් සහන ක්‍රියාන්විතය අද (29) දෙවන දිනටත් ක්‍රියාත්මක වෙයි.

ඒ සඳහා දිවයිනේ විවිධ ප්‍රදේශවලින් ජනතාව අවශ්‍ය වියළි අහාර සහ සනීපාරක්ෂක ද්‍රව්‍ය දෙරණ ප්‍රධාන කාර්යාලයට ගෙනවිත් භාරදෙනු ලබයි.

සරණක් අවැසි ජනතාව වෙනුවෙන් අවශ්‍ය වියළි ආහාර සහ සනීපාරක්ෂක ද්‍රව්‍ය ඊයේ (28) රාත්‍රීයේ සිට ආයතනික මට්ටමෙන් සහ පෞද්ගලික මට්ටමෙන් පරිත්‍යාගශීලි ජනතාව කොළඹ 10 පිහිටි දෙරණ ප්‍රධාන කාර්යාලයට ගෙනවිත් භාර දෙමින් සිටී.

එමෙන්ම ''ගුණදමින් එලිෆන්ට් හවුස්'' ව්‍යාපෘතියද මනුසත් දෙරණ - ඩයලොග් සහන ක්‍රියාන්විතය සමඟ අත්වැල් බැඳගත්තේය.

මේ අතර අවතැන් වූ ජනතාව වෙනුවෙන් පිසූ ආහාර පාර්සල් සකස්කර දීම මනුසත් දෙරණ - ඩයලොග් සහන යාත්‍රා සමඟ සමඟ එක්ව මරදාන ශ්‍රී ලංකා මහ පිරිවෙන එක්ව අද පෙරවරුවේ සිදුකළේය.