දුම්රියේ ආසනයක් යටින්  T56 උණ්ඩ තොගයක්

අද (29) පෙරවරුවේ මරදාන සිට බෙලිඅත්ත දක්වා ධාවනය වූ දුම්රියක තුන්වැනි පන්තියේ මැදිරියක ආසනයක් යට තිබී ටී 56 උණ්ඩ 57ක් දුම්රිය ආරක්ෂක අංශ සොයා ගෙන තිබේ.

එක් ආරක්ෂක නිලධාරියෙක් බෙලිඅත්ත දුම්රිය ස්ථානයේදී මැදිරි පරීක්ෂා කිරීමේදී පුද්ගලයින් දෙදෙනෙක් එම මැදිරියෙන් පිටව ගොස් ඇති අතර පසුව ඔවුන් දෙදෙනා අසුන්ගෙන සිටි ආසන යට තිබී මෙම උණ්ඩ සහිත බෑගය සොයා ගත් බව වාර්තා වෙයි.