ශ්‍රී ලංකා සහ පාකිස්තාන ගුවන් හමුදාපතිවරු අතර හමුවක්

පාකිස්තාන ගුවන් හමුදාපති එයාර් මාෂල් සහීර් අහමඩ් මහතාගේ ආරාධනයක් මත කලාපයේ පැවැත්වෙන යුද අභ්‍යාසයක් නිරීක්ෂණය කිරීම සඳහා ගුවන් හමුදාපති එයාර් මාර්ෂල් උදේනි රාජපක්ෂ මහතා පාකිස්තානයට ගොස් තිබේ.

දෙරටේ ගුවන් හමුදාපතිවරුන් අතර නිල සාකච්ඡාවක් ඉස්ලාමාබාද්හි පිහිටි පාකිස්තාන ගුවන් හමුදා මූලස්ථානයේ දී පැවැත් වූ බව ගුවන් හමුදා මාධ්‍ය ඒකකය ද පවසා සිටියේය.

මෙහිදී මූලික වශයෙන් කලාපීය ආරක්ෂාව සහ මෙහෙයුම් සහයෝගීතාව පිළිබඳව අවධානය යොමු ව ඇත.

දෙරටේ ගුවන් හමුදාවන් අතර මෙහෙයුම් නිපුණතාවයන් සහයෝගයෙන් වර්ධනය කරගැනීමට එහිදී අවධානය යොමු වී තිබේ.