යාවත්කාලීන කිරීම....

September 27, 2023   09:46 am

මුහුදුබඩ දුම්රිය මාර්ගයේ කොල්ලුපිටියේදී සිදුවූ දුම්රිය පීලිපැනීම හේතුවෙන් කොළඹ බලා ධාවනය වෙන දුම්රියන් සඳහා ප්‍රමුඛතාව දී ඇති බව දුම්රිය දෙපාර්තමේන්තුව ජනතාවට දැනුම්දෙයි.

එහිදී කොළඹින් පිටවන මගීන්ට යම් අපහසුතාවයක් ඇතිවිය හැකි බැවින් විකල්ප ප්‍රවාහන මාධ්‍ය භාවිත කරන්නැයි ද ජනතාවගෙන් ඉල්ලීමක් කරයි.

කොල්ලුපිටිය දුම්රිය ස්ථානය සහ කොටුව දුම්රිය ස්ථානය අතර මෙම දුම්රිය පීලිපැනීම සිදුවී තිබේ.

ඒ හේතුවෙන් දුම්රිය මාර්ගයේ එක් දෙසකට පමණක් දුම්රිය ධාවනය සිදුවෙයි.

-------------------------------

දුම්රියක් පීලි පනී

September 27, 2023   08:53 am

දුම්රිය පිලීපැනීමක් හේතුවෙන් මුහුදුබඩ මාර්ගයේ දුම්රිය ධාවනයට බාධා එල්ලවී තිබේ.

දුම්රිය දෙපාර්තමේන්තුව පැවසුවේ මහව සිට මොරටුව බලා ධාවනය වූ දුම්රිය කොල්ලුපිටිය ප්‍රදේශයේදී පීලි පැනීමට ලක්වී ඇති බවය.

අද (27) උදෑසන 8ට පමණ සිදුවූ මෙම පීලිපැනීම හේතුවෙන් මුහුදුබඩ මාර්ගයේ දුම්රිය ධාවන සිදුවන්නේ එක් මාර්ගයක පමණක් බව වාර්තා වෙයි.

පීලිපැනීම හේතුවෙන් දුම්රිය මාර්ගයට ද හානි සිදුවී ඇති අතර දුම්රිය පිලීගත කිරීමේ කටයුතු ආරම්භ කර ඇති බව දුම්රිය දෙපාර්තමේන්තුව සඳහන් කළේය.