ශ්‍රී ලංකා නෙට්බෝල් ක්‍රීඩිකාවෝ අපරාජිතව අවසන් මහා තරඟයට

ශ්‍රී ලංකා නෙට්බෝල් ක්‍රීඩිකාවෝ අපරාජිතව අවසන් මහා තරඟයට

September 8, 2018   02:55 pm

 

ආසියානු දැල් පන්දු ශූරතා තරඟාවලියේ හොංකොං පිළ සමඟ අද (08) පැවති අවසන් පූර්ව තරඟයේදී හොංකොං ක්‍රීඩිකාවන් පරදා අවසන් මහා තරඟයට සුදුසුකම් ලබන්නට ශ්‍රී ලංකා ක්‍රීඩිකාවන් සමත් විය.

තරඟයේ ලකුණු සටහන දැක්වුණේ 55ට 46ක් ලෙසය.

මෙතෙක් සහභාගී වූ තරඟ සියල්ල ජය ගනිමින් අපරාජිත කණ්ඩායම ලෙස සටහන්ව තිබේ.

මෙවර ආසියානු දැල් පන්දු තරඟාවලියේ අවසන් මහා තරඟය හෙට (09) පස්වරුවේ පැවැත්වීමට නියමිතය.

ජයග්‍රහණය කරන හොඳම කණ්ඩායම් දෙක සඳහා 2019 වසරේ එංගලන්තයේ ලිවර්පූල් හි රටවල් 16 ක සහභාගීත්වයෙන් පැවැත්වෙන 2019 නෙට්බෝල් ලෝක කුසලානයට සුදුසුකම් ලබා ගැනීමේ අවස්ථවද හිමිවෙයි.