ගිනි අවි-කඩු-හෙරොයින් සමඟ 2ක් මාට්ටු

ගිනි අවි-කඩු-හෙරොයින් සමඟ 2ක් මාට්ටු

July 12, 2018   10:31 am

 

ගිනි අවි, කඩු සහ හෙරොයින් සමඟ පුද්ගලයින් දෙදෙනෙකු ඇල්පිටිය, කොට්ඨාශ නීතිය බලගැන්වීමේ ඒකකය මඟින් අත්අඩංගුවට ගෙන තිබේ.

අම්බලන්ගොඩ අකුරල ප්‍රදේශයේදී සහ අම්බලන්ගොඩ, දියසෙන්පුර ප්‍රදේශයේදී 24 හැවිරිදි තරුණයින් දෙදෙනෙකු මෙලෙස අත්අඩංගුවට ගෙන ඇති බව පොලීසිය සඳහන් කළේය.

යතුරුපැදියකින් ගමන් කරමින් සිටි එක් සැකකරුවෙකු සතුව තිබී මෙරට නිෂ්පාදිත ගිනි අවියක්, ජීව උණ්ඩයක් සහ හෙරොයින් ග්‍රෑම් 02යි  මිලි ග්‍රෑම් 815ක් සොයාගෙන තිබේ.

අනෙක් සැකකරු සතුව තිබී මෙරට නිෂ්පාදිත ගිනි අවියක් , ජීව උණ්ඩ 03ක් සහ කඩු දෙකක් සොයාගත් බව පොලීසිය සඳහන් කළේය.

කළුගල සහ අම්බලන්ගොඩ ප්‍රදේශවල පදිංචි සැකකරුවන් දෙදෙනා බලපිටිය මහේස්ත්‍රාත් අධිකරණයට ඉදිරිපත් කිරීමට නියමිතයි.