Back to Top

සයුරෙන් එතෙර

මරාගෙන මැරෙන බෝම්බකරුවෙක් වෙඩි ප්‍රහාරයකින් මරු දකියි

මරාගෙන මැරෙන බෝම්බකරුවෙක් වෙඩි ප්‍රහාරයකින් මරු දකියි

June 21, 2017  08:42 am

Bookmark and Share


මරාගෙන මැරෙන බෝම්බකරුවෙකු බවට සැකකළ පුද්ගලයෙකු බෙල්ජියම් ආරක්ෂක අංශ නිලධාරියෙකුගේ වෙඩි පහරින් ජීවිතක්ෂයට පත්ව තිබේ.

බෙල්ජියමේ බ්‍රසල්ස් නගරයේ උමං දුම්රිය ස්ථානයකදී මෙය සිදුව ඇති බව විදෙස් මාධ්‍ය වාර්තා කරයි.

තමා සන්තකයේ බෝම්බයක් පවතින බවටත්, එය පුපුරවා හරින බවටත් ඔහු ප්‍රකාශ කර ඇති බව සඳහන්වේ.

එම අවස්ථාවේදී අසළ සිටි ආරක්ෂක නිළධාරියෙක් ඔහුට වෙඩි තබා ඇති බව විදෙස් මාධ්‍ය වාර්තා කරයි.

ඒ සමඟම සුළු පිපිරීමක් ද සිදුව ඇති බව වාර්තාවේ.

පසුගිය වසරේ බ්‍රසල්ස් නගරයට එල්ල වූ ත්‍රස්ත ප්‍රහාරයකින් පුද්ගලයින් 32දෙනෙකු ජීවිතක්ෂයට පත් විය.