පසුගිය අඟහරුවාදා පාර්ලිමේන්තුවට ගිය අගමැතිවරයා වට කරගත් එක්සත් ජාතික පක්ෂයේ මැති ඇමතිවරු දේශපාලන තත්ත්වය ගැන සාකච්ඡා කළා.

අගමැතිවරයා වෛද්‍යවරුන්ගේ ප්‍රශ්නය ගැන කතා කරද්දී ඇමති වජිර අබේවර්ධන ඊට උඩගෙඩි දුන්නා.

´දොස්තරලාගේ දරුවන්ට මේ රටේ සුපිරි පාසල් දෙනවා නම් ඒ අයිතිය කම්කරුවන්ගේ දරුවන්ටත් තියෙන්න ඕනේ, ඒක පුරවැසි අයිතිවාසිකමක්.´

වජිරගේ කතාවෙන් පසුව නියෝජ්‍ය ඇමති රංජන් රාමනායක ආවේගයෙන් කතා කළා.

´දොස්තරලා පාතාලේ අය වගේ අධ්‍යාපන අමාත්‍යාංශයට‍ රිංගා ගත්ත වෙලාවේ ගහලා එ‍ලෙව්වේ නැත්තේ ඇයි කියලා මිනිස්සු අපෙන් අහනවා, රාජපක්ෂ නඩය පාර්ලිමේන්තුවට රිංගා ගෙන රෑ නිදා ගත්තා වගේ ඒ අයගෙන් උපදෙස් අරගෙන වැඩ කරලා තියෙන්නේ´

රංජන්ගේ කතාවෙන් පසුව ඇමති ලක්ෂ්මන් කිරිඇල්ල ඒකාබද්ධ විපක්ෂය ගැන හෙළි දරව්වක් කළා.

´සර් අලුත් පක්ෂය මහින්දලා, බැසිල්ලා හදනවලු, ඒකේ නම ජාතික පෙරමුණ කියලා ආරංචියි, ලකුණ නෙළුම් මල ද පොහොට්ටු ද කියලත් ආරංචියි. හැබැයි වෙල්ගම පස්ස ගහනවා කියලත් ආරංචියි.´

´ආ... ඇත්ත ද ? යනුවෙන් කිරිඇල්ලගේ කතාව මහත් උනන්දුවෙන් අහගෙන හිටපු අගමැතිවරයා ඇහුවා.