මේෂ

තදබල ලෙස කෝපයට පත්වෙන ස්වභාවයක් ඇති නිසා ආවේගකාරී බව හැකිතරම් දුරට පාලනය කර ගන්නේ නම් සුබදායකය. නැතහොත් කරදර විපත්වලට මුහුණදීමට සිදුවේ.

ජය අංකය -06

 

වෘෂභ 

කලාත්මක අංශයේ රැකියාවල නිරත වූවන්ට ඉතාමත් සුබදායක දවසකි. විශේෂයෙන්ම සාහිත්‍ය, කලාව, චිත්‍ර ශිල්පය වැනි කටයුතුවල නිරත වූවන්ට මහජන ප්‍රසාදය ලැබේ.

ජය අංකය-07

 

මිථුන  

උසස් අධ්‍යාපන කටයුතුවල නිරත  වූවන්ට තම කටයුතුවල ප්‍රගතියක් ලබාගත හැකිය. එමෙන්ම විදේශීය ශිෂ්‍යත්වය ලබා ගැනීමේ වාසනාවක් ද  හිමිවීමට පුළුවන.

ජය අංකය-09

 

කටක  

සෙම මුල්කර ගත් රෝගාබාධයන්ට මුහුණදීමට සිදුවන අතර පවුලේ වැඩ කටයුතු වලින් වෙහෙසට පත්වීමට ඉඩ ඇත්තේය.

ජය අංකය-05

 

සිංහ 

ඒ ඒ ප්‍රශ්න වලදී ගන්නා එඩිතර තීරණ නිසාවෙන් ඇසුරු කරන අයගේ හොඳ හිත දිනා ගැනීමට හැකිවේ. වාද විවාද වලින් ඈත් වන්න.

ජය අංකය-04

 

කන්‍යා 

ආදායම් මාර්ගවල කිසියම් පසුබෑමක් දක්නට ලැබේ. එහෙත් එම තත්ත්වය ඉක්මණින්ම පහව යන බව කිව හැකිය. නව ආදායම් මාර්ග කෙරේ සිත යොමුවේ.

ජය අංකය-04

තුලා  

ඇසුරු කරන හිත මිතුරන්ගේ ප්‍රශ්නවලට මුහුණදීමට සිදුවීමෙන් අනවශ්‍ය කරදර බාධක වලට මුහුණදීමට සිදුවේ. ප්‍රවේශම් වන්න.

ජය අංකය-02

 

වෘෂ්චික  

හදිසි ධන ලාබ හෝ පිය පාර්ශවයේ දේපළ උරුම හිමිකම් ලැබීමට ද ඉඩ ඇත්තේය. ආදායම් මාර්ග සරුවන අතර අනවශ්‍ය වියදම් වලට හිත යෙදීමට ඉඩ ඇත.

ජය අංකය-01

 

ධනු  

යහළු මිත්‍රයන් නිසා අනවශ්‍ය කටයුතුවලට මුල්වී ඇසුරු කරන අය හා මතබේද ඇතිවීමට ඉඩ ඇත. වාද විවාදවලින් ඈත්වූ තරමට සුබදායකය.

ජය අංකය-08

 

මකර  

අනවශ්‍ය ගමන් බිමන් මෙන්ම කලබලකාරී බව නිසාම පවුලේ සමගිය පළුදුවීමට ඉඩ ඇත්තේය. කලාත්මක කටයුතුවල නිරත විශේෂයෙන්ම ලේඛන කලාවේ නිරත වූවන්ට සුබදායක වේ.

ජය අංකය-03

  

කුම්භ  

නව නිවෙසක් ලබා ගැනීමට හෝ වසාය කරන නිවස අලුත්වැඩියා කිරීම්වලට මුල්වේ. ගුරු වෘත්තියේ යෙදෙන අයට තම සිතුම් පැතුම් අත්කර ගැනීමට හැකිවේ.

ජය අංකය-03

 

මීන  

අධ්‍යාපන කටයුතුවල බලාපොරොත්තු නොවූ ආකාරයේ කරදර වලට මුහුණපෑමට සිදුවීමට ඉඩ ඇත. එහෙත් සවස් කාලයේදී යහපතක්ම වන්නේය.

ජය අංකය-01

 

 

ජ්‍යොතිෂ හා වාස්තු විද්‍යාවේදී

චන්ද්‍රසිරි ශ්‍රියානන්ද ද සිල්වා 

පුස්තකාලයාධිපති (විශ්‍රාමික)

සීමන් මාවත, මිනුවන්ගොඩ