Back to Top

උපරිම චැනලින් ගාස්තුව රු. 2000 ක්-රෝගියෙක් පරීක්ෂා කරන අවම කාලසීමාව මිනිත්තු 10ක්

උපරිම චැනලින් ගාස්තුව රු. 2000 ක්-රෝගියෙක් පරීක්ෂා කරන අවම කාලසීමාව මිනිත්තු 10ක්

June 14, 2018  01:31 pm

Bookmark and Share

පුද්ගලික රෝහල්වල වෛද්‍යවරුන් චැනල් කිරීමේ දී රෝගීන්ගෙන් අය කළ හැකි උපරිම චැනල් ගාස්තුව රුපියල් 2,000 කට මේ වන විට සීමා කර ඇති බවත් වෛද්‍යවරයෙකු විසින් රෝගියෙක් පරීක්ෂා කළ යුතු අවම කාලසීමාව මිනිත්තු 10 ක් බවට තමන් විසින් නිර්දේශ කර ඇති බවත් සෞඛ්‍ය, පෝෂණ හා දේශීය වෛද්‍ය අමාත්‍ය රාජිත සේනාරත්න මහතා පවසයි. 

ඊයේ (13) පැවති කැබිනට් තීරණ දැනුම් දීමේ මාධ්‍ය හමුවේ දී අමාත්‍යවරයා මේ බව අනාවරණය කළේය.

මෙහිදී වැඩිදුරටත් අදහස් දක්වමින් අමාත්‍යවරයා මෙසේ පැවසීය. 

“වෛද්‍යවරුන්ගේ ගාස්තුව යම් ප්‍රමාණයකට සීමා කරන්න, සියලුම පුද්ගලික රෝහල්වලට උපරිම මිලක් දාන්න මම කටයුතු කරනවා.“

මේ අතර පවතින බදු ප්‍රතිපත්තිවලට විරෝධය පා පුද්ගලික රෝහල්වල සේවාවලින් ඉවත් වීමට වෛද්‍යවරුන් ගෙන ඇති තීරණය සම්බන්ධයෙන් ද අමාත්‍ය රාජිත සේනාරත්න මහතා මෙහිදී අදහස් දැක්වීය.

“වැට් එක ගැහුවාම රෝහල්වලින් ඒ කොටස දානවා රෝගියාට. රෝගියාට මේක දරාගන්න බැරි වුණොත් ඒ ඔක්කොම රෝගීන් එන්නේ රජයේ රෝහල්වලට. අන්තිමට වෙන්නේ ආර්ථික වශයෙන් බැලුවොත් ඊට වඩා මුදලක් වැඩිපුර වියදම් වෙනවා, වැට් එක ගැනීමෙන් ලැබෙන ලාභයට වඩා මුදලක්.“

රටේ සෞඛ්‍යයෙන් 45% ක් බාරව තියෙන්නේ පුද්ගලික අංශයට. 55% ක් අපි. ගිය අවුරුද්දට මම කෝටි 50,000 කට වඩා සෞඛ්‍යයට වියදම් කරලා තියෙනවා. මුදල් ඇමතිවරයා කියන්නේ ඒ මුදල් දෙන්න නං මම මුදල් හම්බු කරන්න ඕනේ.

බදු තියෙන්නේ, තියෙන මිනිහගෙන් බදු ගහලා ඉදිරියේ දී තමුන්නාන්සේලාට එන වක්‍ර බදු අඩු කරලා දාන්න. ඒ වගේම සාමාන්‍ය වැට් අගය සියයට 2 කින් පමණ අඩු කරන්න. එය සාමාන්‍ය ජනතාවගේ ජීවන වියදමට විශාල සහනයක් ලැබෙනවා. ඒ බදු බර ගන්නවා ඉහළ පංතිය. කෙනෙක් මාසෙකට ලක්ෂ 3 ½ක් හම්බු කළොත් තමයි සියයට 24 ට වැටෙන්නේ.“