Back to Top

ලබන වෙසක් පොහොය අප්‍රේල් මාසයේ

ලබන වෙසක් පොහොය අප්‍රේල් මාසයේ

July 16, 2017  08:51 am

Bookmark and Share


ලබන වසරේ පොහොය 13ක් පවතින බැවින් වෙසක් පුර පසලොස්වක පොහොය දිනය අප්‍රේල් මාසයට යෙදී ඇති බව අනුරාධපුර ශ්‍රී ලංකා භික්ෂු විශ්වවිද්‍යාලයේ බෞද්ධ හා පාලි අධ්‍යයන අංශයේ මහාචාර්ය පූජ්‍ය පාතේගම ඥානිස්සර හිමි පවසයි.

1971 අංක 29 දරන නිවාඩු පනතට අනුව ස්වදේශ කටයුතු අමාත්‍ය  වජිර අබේවර්ධන මහතාගේ අත්සනින් යුතුව ලබන වසර සඳහා රජයේ සහ බැංකු නිවාඩු දිනයන් පිළිබඳ ගැසට් පත්‍රය පසුගියදා නිකුත් කරනු ලැබීය.

එම ගැසට් පත්‍රයට අනුව වෙසක් පොහොය දිනය අප්‍රේල් මස 29 වන ඉරිදා දිනට යෙදී තිබේ.

මේ පිළිබඳව දේශපාලන පක්ෂ නියෝජිතයින් ද විවිධ අදහස් පළ කළ අතර එය මේ වන විට කතා බහට ලක්වන මාතෘකාවක් බවට පත්ව තිබේ.