Back to Top

යල කන්නයට ජලය නිකුත් කිරීමට බාධාවක් නෑ

යල කන්නයට ජලය නිකුත් කිරීමට බාධාවක් නෑ

July 15, 2017  09:13 pm

Bookmark and Share




යල කන්නයේ ඉතිරි කාලසීමාව සඳහා ඉහතා වැව් පද්ධති සඳහා අවශ්‍ය ජලය මොරගහකන්ද ජලාශයෙන් නිකුත් කිරීමට කිසිදු බාධායක් නොමැති බව ශ්‍රී ලංකා මහවැලි අධිකාරිය නිවේදන කරයි.

මොරගහකන්ද ජලාශය ආශ්‍රිතව පසුගිය වර්ෂා සමය තුළ එක්රැස් කරන ලද සමස්ත ජල ප්‍ර‍මාණය ඝණ මීටර් දස ලක්ෂ 145කි.

යල කන්නයේ ඉතිරි මාස දෙකක කාලය සඳහා අවශය වන ජල ප්‍ර‍මාණය සපුරාලීම සඳහා මේ වනවිටත් මොරගහකන්ද ජලාශය තුළ රඳවාගෙන් ඇති ජලය ප්‍ර‍මාණය ඝණ මිටර් දස ලක්ෂ 60 ඉක්මවන අතර මේ වනවිටත් වගාවන් සඳහා අඛණ්ඩව ජල අවශ්‍යතා මුදා හරිනු ලබයි.

ඉහත එක්රැස් කරන ලද ජලයෙන් පසුගිය මැයි මස මුල සිට මේ දක්වා ජලය ඝණ මිටර් දස ලක්ෂ 94ක් ඇලහැර, මින්නේරිය, ගිරිතලේ, කවුඩුල්ල හා පරාක්‍ර‍ම සමුද්‍ර‍ය වැව් පද්ධතියට  මුදාහැර ඇත.

එමෙන්ම බෝවතැන්න ජලාශය හරහා තවදුරටත් මහවැලි ජලය මොරගහකන්ද ජලාශය වෙත එකතු කරනු ලැබේ

කෙසේ වෙතත් පවත්නා වියළි කාලගුණික තත්ත්වය යටතේ ජලය වඩාත් අර පිරිමැස්මෙන් භාවිත කිරීම ගොවි සංවිධානවල මෙන් ගොවි ජනතාව සතු වගකීමක් බව ද මහවැලි අධිකාරීය වැඩිදුරටත් පෙන්වා දෙයි.