Back to Top

 ළමා ආරක්ෂාව ගැන දැනුවත් කිරීමේ වැඩසටහන් මාලාවක්

AdaDerana Ad

ළමා ආරක්ෂාව ගැන දැනුවත් කිරීමේ වැඩසටහන් මාලාවක්

May 20, 2017  09:02 am

Bookmark and Share



ළමා ආරක්ෂාව සම්බන්ධයෙන් පාසල් දරුවන් දැනුවත් කිරීමේ වැඩසටහන් මාලාවක් ක්‍රියාත්මක කරන බව ජාතික ළමා ආරක්ෂක අධිකාරිය පවසයි

එහි සභාපති මරිනිද ලිවේරා මහත්මිය පැවසුවේ පාසල් වල මාධ්‍ය  ඒකක සම්බන්ධ කරගනිමින් අද(20) දිනයේ එහි ආරම්භක වැඩසටහන කොළඹ දේවි බාලිකා විද්‍යාලයේදී සිදුකරන බවයි.

“ළඟම පාසල හොඳම පාසල“ ව්‍යාපෘතියට අයත් පාසල් 25ක සිසු සිසුවියන් හා ගුරුවරුන් ද මෙය හා සම්බන්ධ වනු ඇති බව සඳහන්ය.

මෙහිදී ළමා අපයෝජනයන්ගෙන් ආරක්ෂාවීම පිළිබඳව පාසල් මධ්‍ය ඒකක සාමාජිකයින් දැනුවත් කෙරෙන අතර ඒ සඳහා ජනමාධ්‍යය භාවිත කළ හැකි අන්දම පිළිබඳව මෙහිදී දැනුවත් කිරීමට නියමිතය.

එමෙන්ම ළමා ආරක්ෂාව සම්බන්ධයෙන් ක්‍රියාත්මක කළ හැකි ප්‍රවෘත්ති වැඩසටහන්, සම්මුඛ සාකච්ඡා, වාර්තා වැඩසටහන් නිෂ්පාදනය හා මුද්‍රිත මාධ්‍ය භාවිතය පිළිබඳව ද විශේෂ පුහුණුවක් ලබාදීමට ද බලාපොරොත්තු වන බව මරිනිද ලිවේරා මහත්මිය පැවසුවේය.