කලාඔය නිවසක වහලක් මත රැඳීසිටින බස් මගීන් මුදාගැනීමේ මෙහෙයුම ජනපති සජීවීව නිරීක්ෂණය කරයි

අනුරාධපුර - පුත්තලම මාර්ගයේ කලාඔය පාලම මත සැඩ පහරට හසුවූ බස් රථයේ සිටි පිරිස මේ වනවිට අසල නිවසක වහලයක් මත රැඳීසිටින අතර පිරිස එම ස්ථානයෙන් මුදාගැනීමේ නවතම මෙහෙයුම ජනාධිපතිවරයා සජීවීව නිරීක්ෂණය කරමින් සිටී.

පිරිස මුදාගැනීම සඳහා නාවික හමුදාව මෙම මෙහෙයුම ආරම්භ කර තිබේ.

පැවති සැඩ පහර හේතුවෙන් ඊයේ (28) රාත්‍රියේ ඒ සඳහා කළ උත්සාහය ව්‍යාර්ථ වුණි. 

දැඩි අයහපත් කාලගුණය මැද බස් රථයෙන් මුදාගත් පිරිස මෙලෙස අසල තිබෙන නිවසක වහලයක් මත රැඳීසිටී.

නාවික හමුදාවේ ක්‍රියාකාරි යාත්‍රා බලගනය, ශ්‍රී ලංකා නාවික කිමිදුම් අංශය, විශේෂ යාත්‍රා බලගනය ආදී අංශවලින් සැදුම්ලත් අතිරේක භට පිරිස් මෙම මුදවා ගැනීම් සඳහා එක්වී ඇති බව සඳහන්ය.

මෙම මුදාගැනීමේ මෙහෙයුමේ සජීවී දර්ශන අද (29) අලුයම ජනාධිපති අනුර කුමාර දිසානායක මහතා නිරීක්ෂණය කරන අයුරු ඉහත වීඩියෝවෙන් දැක්වෙයි.