සයුරෙන් එතෙර
යුක්‍රේනයට රුසියාවෙන් ඩ්‍රෝන සහ මිසයිල ප්‍රහාර
November 14, 2025 05:09 pm
යුක්‍රේනයේ කියෙව් අගනුවර ඉලක්ක කර ගනිමින් රුසියාව එල්ල කළ ඩ්‍රෝන සහ මිසයිල ප්‍රහාරවලින් පුද්ගලයින් තිදෙනෙකු මියගොස් තිබේ.
යුක්‍රේන බලධාරීන් සඳහන් කළේ ප්‍රහාරයෙන් තවත් පුද්ගලයින් 26 දෙනෙකු තුවාල ලබා රෝහල් ගත කළ බවය.
එල්ල වූ ඩ්‍රෝන සහ මිසයිල ප්‍රහාර හේතුවෙන් ගොඩනැගිලි කිහිපයක් ගිනි ගෙන විනාශ වී ඇති අතර රෝහලකට සහ පාසලකට ද හානි සිදුවී ඇත.
එමෙන්ම ප්‍රහාරයෙන් කියෙව් නගරයේ විදුලි සැපයුම් පද්ධතියකට ද හානි සිදුව ඇති අතර මේ හේතුවෙන් නගරයේ විදුලිය සහ ජල සැපයුම අඩාල විය හැකි බව එරට බලධාරීන් වැඩිදුර පවසයි.
