මියගිය පුද්ගලයෙකුගේ සිරුරක් සැඟවූ දෙදෙනෙක් අත්අඩංගුවට

විදුලිසැර වැදී මියගිය පුද්ගලයෙකුගේ මෘත ශරීරයක් සැඟවූ පුද්ගලයින් දෙදෙනෙකු ඌරගස්මංහන්දිය පොලීසිය මගින් අත්අඩංගුවට ගෙන තිබේ.

එම පොලිස් ස්ථානයට ලද තොරතුරක් මත සිදුකළ විමර්ශනයේ දී අදාළ සැකකරුවන් දෙදෙනා අත්අඩංගුවට ගෙන ඇති බව පොලීසිය පැවසීය.

ඌරගස්මංහන්දිය, වල්ඉඟුරුකැටිය ප්‍රදේශයේ පදිංචිව සිටි මියගිය පුද්ගලයා පසුගිය 9 වනදා කුරුඳු තැලීමට මාතර ප්‍රදේශයට යන බව පවසා නිවසින් පිටව ගොස් ඇති බව සඳහන් ය.

කෙසේවෙතත් ඔහු යළි නිවසට නොපැමීණීම හේතුවෙන් ඒ සම්බන්ධයෙන් ඔහුගේ ඥාතීන් විසින් පොලීසියට පැමිණිලි කර තිබුණි.

පසුව එම පුද්ගලයාගේ පැපැදිය වෙල්යායක් අසල තිබී සොයා ගැනුණි.