මිදිගම රුවන්ට මාංචු යතුරත් දීමට ගිය අයෙකු කොටුවෙයි

කොළඹ නව මැගසින් බන්ධනාගාරයේ රඳවා සිටින ප්‍රබල පාතාල කල්ලි නායකයෙකු වන මිදිගම රුවන් නැමැත්තාට රහසිගතව මාංචු කුට්ටමක යතුරක් ලබාදීමට පැමිණි පුද්ගලයෙකු අත්අඩංගුවට ගෙන තිබේ. 

ඒ බන්ධනාගාර හදිසි ප්‍රතිචාර උපක්‍රමික බළකා නිලධාරීන් විසිනි.

නව මැගසින් බන්ධනාගාරයේ රඳවා සිටින විශේෂ ගණයේ සැකකරුවකු වන මිදිගම රුවන් නැමැති අපරාධකරුව බැලීම සඳහා පසුගිය 12 වනදා පස්වරු 3.30ට පමණ අමුත්තන් පෙන්වන ස්ථානයට යුවලක් පැමිණ තිබුණි.

ඒ අතර සිටි පිරිමි පුද්ගලයා සම්බන්ධයෙන් ඇතිවූ සැකයක් මත බන්ධනාගාර හදිසි ප්‍රතිචාර උපක්‍රමික බළකා නිලධාරීන්  ඔහු පරීක්ෂා කරනු ලැබීය.

එහිදී ඔහුගේ මුදල් පසුම්බිය තුළ සූක්ෂම අයුරින් සඟවා තිබූ මාංචු යතුරක් හමුව තිබේ.

එහිදී අනාවරණ වී ඇත්තතේ ඔහු සමග පැමිණි කාන්තාව මිදිගම රුවන් සමග සමීප සබඳතාවක් පවත්වා ඇති බවය.

ඒ අනුව අත්අඩංගුවට ගත් සැකකරු වැඩිදුර විමර්ශන සඳහා බොරැල්ල පොලිසියට භාරදී තිබේ.

ඔහුගෙන් සිදුකළ මූලික ප්‍රශ්න කිරීම්වලදී ඔහු පවසා ඇත්තේ, තමන් කලක් පොලිස් සේවයේ නිරත වූවකු බවය.