බඹර ප්‍රහාරයෙන් 09 ක් රෝහලේ
April 17, 2015 05:19 pm
හැටන්-නුවරඑළිය ප්‍රධාන මාර්ගයේ කොටගල රෝහල අසළ දී පුද්ගලයින් 09 දෙනෙකු බඹර ප්‍රහාරයට ලක්ව තිබේ.
අද(17) පස්වරුවේ මෙම බඹර ප්‍රහාරය එල්ලවී ඇති බව අද දෙරණ වාර්තාකරු පවසයි.
ජා-ඇල ප්‍රදේශයේ පදිංචිකරුවන් පිරිසක් නුවරඑළිය ප්‍රදේශයේ සංචාරය සඳහා ගොස් ඇති අතර දිවා ආහාරය සඳහා ඔවුන් ගමන්ගත් වෑන් රථය නතර කළ අවස්ථාවේදී අසළ ගසක තිබූ බඹර කූඩයක් බඹරුන් ඇවිස්සී ඇති බව සඳහන්ය.
කෙසේ වෙතත් බඹර ප්‍රහාරයට ලක්වූ පුද්ගලයින් 09 දෙනා කොටගල ප්‍රාදේශීය රෝහලට ඇතුළත් කළ බව අද දෙරණ වාර්තාකරු පවසයි.
